కాకినాడ: కాకినాడ నగరపాలక సంస్థ ఎన్నికల్లో నామినేషన్ల దాఖలుకు ఈ నెల 10 వ తేదీ  చివరి రోజు కావడంతో అన్ని పార్టీల అభ్యర్థులు నామినేషన్లు వేసేందుకు ముమ్మర ఏర్పాట్లు చేసుకోవడంతో నగరంలో సందడి నెలకొంది. బుధవారం మొత్తం 100 నామినేషన్లు దాఖలయ్యాయి. దీంతో ఇప్పటి వరకు దాఖలైన నామినేషన్ల సంఖ్య 112కు చేరింది.

10 వ తేదీ మధ్యాహ్నం మూడు గంటలలోగా అభ్యర్థులు తమ నామినేషన్లు దాఖలు చేయాలని కమీషనర్ ఆలిం భాషా పేర్కొన్నారు. రాజకీయ పార్టీలన్నీతమ అభ్యర్దులతో కూడిన ధ్రువపత్రాలను గురువారం సాయంత్రంలోగా అందచేయాలని, అభ్యర్థుల వడపోత సమయంలో ఈ జాబితా అందుబాటులో ఉండాల్సి ఉందన్నారు.