UPDATED 4th APRIL 2018 WEDNESDAY 9:00 PM
సామర్లకోట: రాష్ట్రంలో నూతనంగా ఎంపికై స్థానిక విస్తరణ శిక్షణ కేంద్రంలోని రెవెన్యూ అండ్ సర్వే అకాడమిలో శిక్షణ పొందుతున్న డిప్యూటీ సర్వేయర్లకు క్షేత్రస్థాయి శిక్షణా కార్యక్రమం బుధవారం నిర్వహించారు. స్థానిక స్టేషన్ సెంటర్లో సర్వే ఏ విధంగా చేపడతారు, సరిహద్దులు మార్కింగ్ చేసే విధానం, రహదారుల ఏర్పాటు, గుర్తింపు తదితర అంశాలపై శిక్షణ ఇచ్చారు. ఈ శిక్షణ కార్యక్రమంలో ఇనస్పెక్టర్ ఆఫ్ సర్వే టి. త్రివిక్రమ్, డిప్యూటీ ఇనస్పెక్టర్ పోలరాజు, విజయనగరం డిప్యూటీ సర్వేయర్ బి. బ్రహ్మారావు, ఓం నమశివాయ, తదితరులు పాల్గొన్నారు.
